Coroa de Espinhos
Mundu mailako estreinaldia.
Aurkezpena eta solasaldia Francisco Moura Relvas (zuzendaria) eta Inés Calerorekin (programatzailea).
Gure errealitatearen bertsio distopiko samar batean, Fontainhas auzoa (Lisboa) higiezinen espekulazio-sare ilun batean sartuta dago bete-betean. Desagertzeak eta beste elementu kezkagarri batzuk daudenez, auzotar bat susmatzen hasiko da.
Apur bat aldatutako errealitatearen errepresentazio batean, Lisboako Fontainhas auzoa higiezinen espekulazio-sare ilun batean sartuta aurkitzen da bete-betean. Lehen kanpoaldeko auzo herrikoia zena inbertsiorako ondasun preziatu bihurtuko da, bertako bizilagunak desagertzen doazen heinean (edo arima galtzen). Pozoitzeak, konspirazioak eta presentzia misteriotsuak dira beldurrezko zinemaren kodeez libreki jabetzen den eta gertutasunagatik kezkagarria den agertoki aurreapokaliptiko baten aurrean jartzen digun filmaren elementuak. Generoaren eta herentzia zinematografikoen bereizgarri estilistikoak berrasmatuz eta horien esanahia aldatuz, Francisco Moura Relvas errealitatearekin eta haren distortsioekin jolasten da, kapitalismo berantiarreko hiri-eraldaketen basakeria guztia itzultzen digun gezur ironiko bat agertzeko. Fikzioaren interferentziek, aldiz, ikusezin bihurtu den eguneroko indarkeria ikustea ahalbidetzen digute. Bene-benetako beldurra, teknikarien eta higiezinetako agenteen aurpegia duena. Exorzismoa kapitalaren erasoari, intsumisio- eta erresistentzia-keinu etsia.
Margot Mecca
Programa berean
 |
|
|