Kamerarik gabeko animazioa

Adina: 9 - 12 urte

Iraupena: 2 - 3 ordu

Ordutegia: 11:00 – 13:00

Civivox Mendillorri

 

 

Lantegian kamerarik gabeko geure animazioak sortuko ditugu 16 mm-ko filmaren gainean zuzenean marraztuz. Kamerarik gabeko animazio-teknika esperimentalak ardatz hartuta, zinema-filma zuzenean manipulatuko dugu, zarrastatuz, zulatuz eta margotuz. Gainera, musika-tresnarik edo grabagailurik erabili gabe soinua filmean nola marraztu daitekeen ikasiko dugu.

 

Lantegia amaitzeko, egindako filmak proiektatuko dira, irudiak eta soinuak elkarri nola eragiten dioten ikusteko.

 

Tekno Fantasy, 2023an sortua, argiekin, koloreekin, proiekzioekin eta beste gailu batzuekin esperimentatzeko espazio kolektibo bat da. Proiektu horren jatorria Zinema eta teknologia lantaldea da. Talde hori 2018an eratu zen, ikerketa-ekimen eta -ildo berriak egiten hasi zen, eta horien ondorioz, Tekno Fantasy sortu zen. Talde ireki horren helburua modu kolektiboan ikertzea, hausnartzea eta sortzea da, animazioen eta proiekzio analogikoko sistemen artean ibiliz. “Katxarreo” espiritua izanik, taldeak sena eta desira oinarri hartuta lan egiten du, probatu eta huts egin metodologia erabiliz. 2024az geroztik, Tekno Fantasy topaketa antolatzen dute Tabakaleran (Donostian). Topaketa horretan, taldearen proiektuak eta gonbidatutako beste kolektibo eta artista batzuen lanak partekatzen dira eta esperimentazio teknologikoaren eta artistikoaren inguruan gozatzea, elkarrizketak izatea eta komunitatea sortzea sustatzen da.