2026ko edizioa
Ibilbideak
Punto de Vistak zazpi zeharkako ibilbide eskaintzen ditu, jaialdiko sail ezberdinetako piezez osatuak.
Sail Ofiziala
Guztira hemeretzi film (zazpi film luze, film ertain bat eta hamaika film labur), Amerikan, Asian, Europan eta Afrikan egindakoak. Munduko lau estreinaldi, nazioarteko estreinaldi bat eta Estatuko hamalau estreinaldi arituko dira lehian jaialdiak ematen duen sarietako bat irabazteko: Film Onenaren Punto de Vista Sari Nagusia, Zuzendari Onenaren Jean Vigo Saria, Film Labur Onenaren Saria, eta Ikuslegoaren eta Gazteen Film Onenaren Sari Bereziak.
Fokua
Hiru programaz osatutako saila: Sensory Etnography Lab laborategiarekin lotura duten behaketa bidezko zinema dokumentalaren bide geldigaitz eta berritzaileenei buruzkoa («Eulien artean»), Interneteko artxibo kaotikoaren birmuntaketa artistikoari buruzkoa «Iragankortasunaren iraunkortasuna») eta Alia Syed indiar jatorriko Galesko zinemagilearen lana oinarri hartzen duena.
Ricercata
Hizkuntza zinematografikoaren bilaketetan eta esperimentazioan sakontzen duen saila. Sailaren izena italierako ricercare hitzetik dator eta bilatu esan nahi du: XVI. mendeko musika-konposizioetan inspiratuta dago, miaketa-estiloa ezaugarri duten konposizioetan, alegia. Hiru programak osatzen dute: 3D zinema esperimentalaren historian barrena ibilbide bat («Forever Young: Zinema erliebean»), zinema modu kolektiboan sortzea («Zinema denen artean») eta gure testuinguru hurbileko film erakargarrien esposizioa zinemagileek beraien lan-prozesuak erakutsiz («Termitak») eta maría hidalgo nietoren «el azul de la distancia» instalazioa.
X Films
Jaialdiak ekoitzitako film berri bat egitera gonbidatutako zinemagileak, Nayra Sanzek (Las Palmas Kanaria Handikoa), Uharte Zentroan egindako egonaldiaren emaitzak aurkeztuko ditu. Egonaldian, 2027ko Punto de Vista jaialdian estreinatuko den filma prestatu du. Gainera, aurretik egin dituen lanak ere erakutsiko dizkigu. Bestalde, 2025 eta 2026 urteetan zehar garatutako proiektua estreinatuko da: Gaulana, Pablo Casanuevarena.
Lan
Iraganeko, gaur egungo eta etorkizuneko zinemari buruzko elkarrizketa eta solasaldiak. Topaketa bat jaialdiko hiru arte-zuzendari ohi (Josetxo Cerdán, Oskar Alegría eta Manuel Asín) eta Elsa Fernández-Santos kazetariarekin, ilustrazio bidezko hitzaldi bat zinemagile Mirentxu Loyarteren (1938–2025) lana eta figura ezagutzeko, eta Napardocs eta DokLab-en topaketa profesionalak.
Txinparta
Jaialdiak gazteei eskaintzen dien saila. Sailaren izenak sua piztean jalgitzen den zatiki argitsuari egiten dio erreferentzia. Familientzako saio bat, bi lantegi, Nafarroako institutuetako ikasleentzako proiekzio bat, saioak Nafarroako Unibertsitatean eta Nafarroako Unibertsitate Publikoan eta «Gazte programatzaileak» ekimenaren jarraipena.
Musika Punto de Vista
Urtero bezala, Punto de Vistak tarte nabarmena eskainiko dio musikari, are handiagoa hemeretzigarren edizioari begira. Jaialdiaren programazioaren barruan hainbat kontzertu, DJ saioak eta zuzeneko musika duten irratsaioak daude.
Puxika Gorria Ludoteka
Jaialdia ekitaldi bateragarri bihurtzen da, sei hilabetetik hamabi urtera bitarteko haurrentzat hainbat egunez espazio bat gaituz, bai akreditatutako pertsonentzat bai publiko orokorrarentzat eskuragarri.
 |
|
|