Pablo Casanueva (Ribeseya, Asturies, 1995) zinemagilea eta artista bisuala da. Memoriaren, identitate kulturalaren eta politikoaren kontzeptuak kontatzen eta ikertzen ditu filmen eta irudien bitartez. Gai horiek paisaiaren eta argazki eta dokumentuen artxiboaren bidez lantzen ditu, arreta kolektiboen eta familien ikuspegietatik lurraldearen memorian jarrita. Burgosko Unibertsitateko Ikus-entzunezko Komunikazioan graduduna da, eta SICUE urte bat egin zuen Euskal Herriko Unibertsitatean, Bilbon. Prestakuntzetan eta egonaldi artistikoetan parte hartu du, hala nola Kubako Zinema eta Telebistaren Nazioarteko Eskolan, LABoral Centro de Arte zentroan, FICX akademian, FilmLABen edo El Palacion (Xixón). Honako hauek dira bere lan azpimarragarrienak: batetik, Luna (2024) film luzea eta 8 filmes sobre la guerra (2022) film laburra; bestetik, «La imaxe, lo tapecío» (2024) eta «Xente» (2021) erakusketak. Halaber, argazkigintzarekin, ikus-entzunezko saiakerekin, bideosorkuntzarekin edo antzerkiarekin lotutako proiektuak ere garatzen ditu.
Zinema arloan egin duen lana hainbat jaialdi eta espaziotan ikusi ahal izan da, besteak beste: Xixongo Nazioarteko Zinema Jaialdia, Punto de Vista Nafarroako Zinema Dokumentaleko Nazioarteko Jaialdia, Clermont-Ferrandeko Film Laburren Nazioarteko Jaialdia, Europako Zinema Jaialdia, LAN Langileen Ikus-entzunezko Jaialdia (Bilbo), SACO (Uviéu), Aguilar Film Festival, Babel Film Festival (Cagliari, Italia), La Pinochera Landa Zinemaren Astea (Tenerife, Kanariar Uharteak), Azkuna Zentroa (Bilbo) edo Eureka Europako Kultur Zentroa (Santander). Bere obra plastikoa Muestra de Artes Plástiques del Principáu d’Asturies (2022) erakusketan aurkeztu da, eta espazio hauetako programazioaren parte izan da: LABoral Centro de Arte (Xixón), Sala Borrón (Uviéu), Factoría Cultural d’Avilés, Antigua Rula (Xixón), Antiguu Institutu (Xixón), Muséu Etnográficu del Oriente d’Asturies (Porrúa), Festival Intercélticu de Lorient (Bretainia, Frantzia) edo Valey Centro Cultural (Castrillón).
