Hautaketa batzordea

Atal Ofizialeko Hautaketa-Batzordea da: Manuel Asín, Lucía Salas, Frédérique Monblanc, Anna Brufau eta Pablo García Canga.

Manuel Asín

Programatzailea, argitalpenen editorea eta zinema ikertzailea. 2016az geroztik Madrilgo Arte Ederren Zirkuluko Zinema Arloko arduraduna da. Aurretik, Intermedio zinema banatzailearen eta liburu eta DVD argitaletxearen zuzendaria izan zen (2010-2015). Programatzaile gisa, zikloak ekoitzi ditu hainbat erakunderentzat, hala nola, Espainiako Filmategia, Reina Sofia Museoa, Xcèntric-CCCB, Moreira Salles Institutua (Brasil) edo Tabakalerarentzat. Artikuluak eta elkarrizketak argitaratu ditu besteak beste Trafic, Lumière, Blogs&Docs eta Caimán Cuadernos de Cine aldizkarietan, non erredakzio kontseiluko kide den. Elías Querejeta Zine Eskolako (Donostia) eta Master LAVeko (Madril) irakaslea da.

Lucía Salas

Espainian bizi den programatzaile, kritikari eta zinemagile argentinarraren lanak zinemaren iraganean eta orainean nabigatzen du. Irudi eta Soinu Diseinua ikasi zuen UBAn, Aesthetics and Politics CalArts-en eta gaur egun Komunikazio doktoregoa egiten ari da UPFn. La Vida Útil aldizkariaren koeditorea eta We Can’t Go Home Again podcastaren gidarietako da. IFFR Critic's Choice, Woche der Kritik, DocumentaMadrid, eta Mar del Platako Nazioarteko Zinemaldian lan egin du, besteak beste. LaSiberia kolektiboko kide gisa, Implantación (2016) eta Los Exploradores (2016) eta Implantación (2011) film laburrak egin ditu. Gaur egun, Elías Querejeta Zine Eskolako irakaslea da.

Frédérique Monblanc

Nantesen, Parisen eta Madrilen zinema-ikasketak egin ondoren, zinema-ondarea zaharberritzen, balorizatzen eta zabaltzen lan egin du artxibo pribatu eta publikoetan, Parisen eta Espainiako Filmategian. Courts Devant (Paris) jaialdiaren bazkide sortzailea, hainbat film labur dokumental zuzendu eta editatu ditu. 2017tik 2021era Interferences zinema dokumentalaren eta eztabaida publikoaren jaialdiko saioen moderatzailea eta programatzailekidea izan da, baita Les Reflets Iberiar eta Latinoamerikako zinemaldiaren 38. edizioaren programatzailea eta koordinatzailea ere.

Anna Brufau

Programatzailea. Ikus-entzunezko komunikazioan lizentziaduna, muntaiaren bidez hasten da mundu profesionalean, baina laster kulturaren kudeaketaren eta zinemaren dibulgazioaren alde egiten du. Zumzeig (Bartzelona) zinema-kooperatibako bazkide sortzaile eta langilea izan zen, eta bertan programatzaile eta koordinatzaile gisa jardun zuen 2016tik 2021era. Gaur egun, Kataluniako Filmategiko programazio-taldean lan egiten du.

Pablo García Canga

Zine zuzendaritzan diplomaduna, La Fémis eskolan. Hainbat film labur eta ertain zuzendu ditu, eta gidoilaria izan da beste zinemagile batzuentzat, jada filmatuta dauden eta etortzeke dauden filmetan. Lumière, Détour eta Foco aldizkarietan kolaboratu du, besteak beste, eta aldizka argitaratzen du El diablo quizá blogean. Zenbait liburu itzuli ditu (Amistad, el último toque Lubitsch; El Greco, cineasta), beste batzuetan parte hartu du (George Cukor: On/Off Hollywood; Paulino Viota: el orden del laberinto; Pintar el sol: Víctor Erice…) eta Ozu, multitudes (Athenaica, 2020) idatzi du. Madrilgo Arte Ederren Zirkuluko «Contactos» zikloaren programatzaileetako bat da.