Narrazioen edo gaien ordez, ekintzarako eta kausalitaterako aukera berriak definitzen dituzten egituretan oinarritzen dira Frans van de Staak-en filmak.
Neska gazte batek bi laguni egindako bisitaren kronika da Het bezoek. Ekintza eta elkarrizketa hutsal estereotipikoak hainbat aldiz filmatzen dira, egun desberdinetan, eszenaratzean aldaketak eginda. Muntaketan, filmaketa horiek txandakatu egiten dira, tonu, denborazkotasun, portaera eta esanahi desberdinak dituzten planoak trukatuta.
De onvoltooide tulp van de Staaken lehen film luzea da; hogeita zortzi elkarrizketa dira, bakoitza aktore ez profesional batek interpretatua. Eszenaratzea eta interakzioak, desplazamenduak eta interpreteen keinuak guztiz bestelakoak dira elkarrizketa batetik bestera, katalogo moduko bat osatzeraino. Elkarrizketak baino gehiago, van de Staakek idatzitako esaldien trukeak hain dira errealistak, ezen hizkuntzaren alderdi absurdua eta komikoa nabarmentzen baitituzte.