Celia Viada Caso | Zinegilea X Films 2024
Celia Viada Caso (Madril, 1991) zinemagilea eta antropologo bisuala da. Ez-fikziozko zinemaren eta zinema esperimentalaren artean kokatzen dira bere lanak, eta bideo instalazioko proiektuak, musika bideoak eta zuzeneko praktika ere egiten ditu. Bere lanetan, artxiboa berreskuratzea eta berriz esanahia ematea du helburu, eta denbora, memoria, gorputza eta lurraldea lotzen dituzten gaiak jorratzen ditu. Antropologian eta Median lizentziaduna da Londresko Goldsmiths Unibertsitatean, eta Sorkuntzako Dokumentalaren Masterra egin zuen Bartzelonako Pompeu Fabra Unibertsitatean.
La Calle del Agua izan zen bere lehen film luzea, eta 7 sari lortu zituen 2020ko Xixóngo Nazioarteko Zinema Jaialdiko estreinaldian; horien artean, Zuzendaritza Onenaren FIPRESCI Saria, Gidoi Onenaren ALMA Saria eta Ikusleen Saria. Gaur egun, bere bigarren film luzea egiten ari da, Un verano sin pájaros. Gregoria da bere lehen film labur dokumentala.
Gregoria
Gregoria
Celia Viada Caso, Espania, 2023, 28 min, DCP, VO.
Gregoriak bizkarra okertuta eta esku indartsuak ditu, eta azazkalak beltz. Lurrerantz makurtuta bizi da eta oso gutxi behar du: lur zati bat, plastikozko kaxa birziklatu batzuk, eta elkarrizketa hurbil bat arratsaldearen amaieran.
La Calle del Agua
La Calle del Agua
Celia Viada Caso, Espainia, 2020, 70 min, DCP, VO.
Benjamina Miyar (1888 - 1961) ohi ez bezala bizi izan zen Calle del Agua-ko bere etxean, Europako Mendien oinean. Argazkilaria eta erlojugilea izan zen 40 urtez baino gehiago, eta frankismoaren aurkako erresistentziako kide. Bere bizitza eta obra desagertu egin ziren hil ondoren. La Calle del Agua filmean, garai desberdinetako bi emakume elkartzen dira leku berean, gogoratzen diren gauzetatik eta desagertu direnetatik sortutako erretratuaren zirriborroa egiteko.
 |
|
|